अम्बिका दहाल
२१ फागुन, राजविराज, ।
नेपाली कांग्रेस सप्तरीको नयाँ नेतृत्व चयनका लागि आज भएको मतदानमा विवाद भएपछि मतदान स्थगित भएको छ भने अब निर्वाचन कहिले हुने टुङ्गो लागेको छैन ।
सप्तरीको रुपनी गाउँपालिका ५ स्थिति गजेन्द्रनारायण सिंह औद्योगिक क्षेत्रमा मतदान भैरहेको मतदान स्थानमा रामदेव साह पक्षका उपाध्यक्ष पदका उममेदवार रामकुमार यादव र सचिव पदका दुर्गानन्द यादवले निष्पक्ष निर्वाचन नभएको भन्दै मत पत्र च्याते पछि हात हालाहालकै स्थिति आएपछि मतदान स्थगित गरिएको हो । विवादकै क्रममा दुई सय मतपत्र हराएको निर्वाचन समितिले जनाएको छ । कहिले निर्वाचन हुन्छ भन्ने टुङ्गो लागेको छैन ।
नेपाली कांग्रेस सप्तरीको कुल २ हजार ५३५ मतदाता मध्ये ६०३ मत खसेका छ । प्रतिशतमा हेर्दा करिव २४ प्रतिशतमात्र हुन आउँछ । क्षेत्र नं. १ मा ७५० मतदाता मध्ये १५८ जना ,क्षेत्र नं. २ मा ५८६ मतदाता मध्ये ,११५ जना ,क्षेत्र नं. ३ मा ६५० मतदाता मध्ये १८० जना । क्षेत्र नं. ४ मा ५८५ मतदाता मध्ये १५० जनालेमात्रै मतदान गरेका थिए।
https://youtu.be/HXfnRZpZxN8
