९ चैत्र ,कञ्चनरूप ।
सर्पदंश कारण सप्तरीको कञ्चनरूपमा ६० बर्षिया महिलाको मृत्यु भएको छ ।
जिल्लाको कञ्चनरूप नगरपालिका वडा नं. १२ बस्ने धनमाया श्रेष्ठलाई विषालु सर्पले डसे पछि थप उपचारको लागि बीपी कोइराला स्वास्थ्य विज्ञान प्रतिष्ठान धरान लैजाने क्रममा बाटोमा नै मृत्यु भएको बताइएको छ ।
मंगलबार दिउँसो खेतमा बाख्रा चराइरहेको बेला श्रेष्ठको खुट्टामा सर्पले टोकेको पछि तत्कालै श्रेष्ठलाई उपचारका लागि मंगलबार दिउँसै प्राथमिक स्वास्थ्य केन्द्र स्थित सर्पदंश उपचार केन्द्र कञ्चनपुरमा लगिएको थियो । सोही अस्पतालको आकस्मिक कक्षमा भर्ना भई चिकित्सक र स्वास्थ्यकर्मी को टिमले एन्टि भेनम लगाई बिरामीको स्वास्थ्यमा सुधार भएर थप उपचारको लागि धरान स्थित बीपी कोइराला स्वास्थ्य विज्ञान प्रतिष्ठान पठाइएको प्राथमिक स्वास्थ्य केन्द्र कञ्चनपुरले जनाएको छ ।
