२ श्रावण, कञ्चनरूप ।
सप्तरीको कञ्चनरूप- १२ धरमपुरमा १७ वर्षीया किशोरीमाथि सामूहिक बलात्कार गरेको आरोपमा चारजना पक्राउ परेका छन ।
पीडित बालिकाको किटानी जाहेरीका आधारमा ४ जना पक्राउ परे पछि सामूहिक बलात्कार भएको घटना सार्वजनिक भएको छ ।
गत शुक्रबार राति नाबालिकामाथि सामूहिक बलात्कार गर्ने कञ्चनरूप नगरपालिका– १२ का ४१ वर्षीय कैलाश भनिने टेकराज पोखरेल, २४ वर्षीय सुदीप भुजेल, २२ वर्षीय मनोज विश्वकर्मा र २१ वर्षीय दीपेश सुवेदीलाई पक्राउ परेको इलाका प्रहरी कार्यालय कञ्चपुरका प्रहरी नायब उपरीक्षक दीपककुमार राईले जानकारी दिए ।
‘शुक्रबार मध्यराति ती नाबालिकाको घरमै पसेर चारैजनाले कोही नबस्ने छेउको घरमा पुर्याएर कैलाशको निर्देशनमा पालैपालो बलात्कार गरेको जाहेरीका साथै बयानबाट पनि खुल्न आएको प्रहरीले जनाएको छ ।
घटनापछि ती नाबालिकाले परिवारलाई सुनाएपछि परिवारले किटानी जाहेरी दिएका आधारमा प्रहरीले चारैजनालाई नियन्त्रणमा लिएको जनाएको भने घटनाबारे थप अनुसन्धान भइरहेको उल्लेख गरेको छ ।
पीडित किशोरीका अनुसार आफूलाई बलात्कार गर्नेमध्येका एक जनालाई आफूले तिहारमा दाजु मानेर टीका लगाएको सम्झाउँदा पनि भए ता पनि छाडेनन् । कम्तीमा टीकाको लाज राख्नुस् भनेँ तर केही सुनेन् किशोरीले भनिन् ।
