कञ्चनरुप
मंसिर २९ गते २०७७ ।
सप्तरीको बोदे बर्साइन नगरपालिका–३ माछा मार्ने क्रममा भएको विवाद बढेर झडप हुँदा सप्तरीमा आइतबार राति एक महिलाको मृत्यु भएको छ
बोदे बरसाईन नगरपालिका–३ कुशमाहारमा दुई पक्षबीच झडप हुँदा एक महिलाको मृत्यु भएको छ भने अन्य सोही पक्षका ४ जना घाइते भएका छन् ।
सार्वजनिक पोखरीमा माछा मार्ने विषयमा आइतबार दिउँसो स्थानीयबीच विवाद भएको थियो । विवाद बढ्दै जाँदा राति १० बजे झडप भएको हो । झडपमा स्थानीय ४० वर्षीया गंगीयादेवी मण्डलको मृत्यु भएको छ । टाउकोमा बन्चरो लागेर मण्डल घटनास्थलमै ढलेको प्रत्येक्षदर्शीले जानकारी दिए ।
झडपमा १८ वर्षीय धिरज मण्डल, ४५ वर्षीय जयनारायण मण्डल र ४० वर्षीय सुरेन्द्र मण्डलको टाउकोमा गम्भीर चोट लागेको छ भने ४५ जोगिन्द्र मण्डल घाइते भएका छन् ।
गम्भीर चोट लागेका चारैलाई उपचारको लागि विराटनगरस्थित न्यूरो शिक्षण अस्पताल पठाइएको छ ।
झडपमा संलग्न अर्को पक्षका चार जनालाई पक्राउ गरिएको छ ।
४५ वर्षीय विजय मण्डल, २५ वर्षीय सुरेन्द्र मण्डल, २० वर्षीय रवित मण्डल र ५० वर्षीय छोटु मण्डललाई नियन्त्रणमा लिएको जिल्ला प्रहरी कार्यालयका डीएसपी भुवनेश्वर साहले जानकारी दिए ।
