अम्विका दहाल
राजविराज ।
कर्मचारीमा कोरोना संक्रमण देखिएपछि राजविराज नगरपालिकाको अत्यावश्यकबाहेकका सम्पूर्ण काम कारवाही बन्द गरिएको छ ।
कार्यालयका एक कर्मचारीमा कोरोना संक्रमण पुष्टि भएपछि बुधबारदेखि अर्को सूचना जारी नभएसम्मका लागि अत्यावश्यकबाहेकका सबै सेवा स्थगित गरिएको नगर प्रमुख शम्भु प्रसाद यादवले जानकारी दिए ।
नगरपालिका कार्यालयले आज (मंगलबार) सूचना जारी गर्दै राजविराज पोलिटेक्निक इन्सटिच्यूटमा कार्यरत कर्मचारीमा संक्रमण पुष्टि भएको र उनीसँग नगरपालिकाका कर्मचारी पनि कन्ट्याक्ट ट्रेसिङमा परेको जनाएको छ ।
