२२, फाल्गुन कञ्चनरूप ।
कम्युनिष्ट नेता कृष्णराज बर्माको ९३ वर्ष आज निधन भएको छ ।
स्वास्थ्यमा समस्या आएपछि ह्याम्स अस्पताल भर्ना भएका उनलाई आईसीयूमा राखेर उपचार भइरहेको थियो ।
९३ वर्ष बर्माको अक्सिजनको लेभल कम भएको र फोक्सोमा पनि समस्या देखिएकाले ह्याम्स अस्पतालको आईसीयूमा राखेर उपचार हुँदै आएको थियो ।
२००७ सालको राणा विरोधी आन्दोलनमै सामेल कम्युनिष्ट नेता बर्मा २०४६ सालको जनआन्दोलनका एक प्रमुख नेता हुन् । उनी नेतृत्वको नेकपा पञ्चायत विरोधी आन्दोलनमा वाम घटकमा सामेल थिए । ।
वर्मा नेपाल कम्युनिष्ट पार्टी स्थापना भएकै वर्ष २००६ सालदेखि नै निरन्तर कम्युनिष्ट पार्टीमा क्रियाशील थिए। उनी २००७ सालको क्रान्तिका पनि एक जना योद्धा थिए । उनले केही कम्युनिष्ट दर्शनका पुस्तक र सयौँ सङ्ख्यामा लेखहरू लेखेका छन् ।
०४६ सालपछि उनले नेकपा (वर्मा) नामको पार्टी गठन गरी त्यसको अध्यक्ष समेत रहिसकेका छन् । सप्तरीमा जन्मेका उनी केही वर्षदेखि काठमाडौंमै बस्दैआएका थिए ।
