२७ फाल्गुन , जनकपुरधाम ।
नेपाली कांग्रेस धनुषाको सभापतिका लागि दोस्रो चरणको मतदान साढे १० बजेबाट सुरु भएको छ ।
जनकपुरस्थित तिरहुतिया गाछीमा सुरु भएको मतदान तोकिएको समय भन्दा डेढ घण्टा ढिलो गरि शुरु भए पनि मतदानका लागि मतदाताहरुको लाइन लागेका छन ।
दोस्रो चरणमा संस्थापन पक्षका उम्मेदवार सन्तोष यादव र विमलेन्द्र निधी पक्षका योगेन्द्र पजियार (जोगी) चुनावी मैदानमा उत्रेका छन् । पहिलो चरणमा कम मत ल्याएका कारण प्रतिस्पर्धाबाट आउट भएका दिनेश प्रसैला निधी पक्षका पजियारलाई समर्थन गरेका छन् ।
पहिलो चरणमा पजियारले सर्वाधिक मत ल्याएका थिए । सबभन्दा बढी मत ल्याएकाले पजियारलाई समर्थन गरेर सर्वसम्मत सभापति बनाउन निधीले संस्थापन पक्षका नेताहरुसंग आग्रह गरेपनि सहमति नजुटेपछि दोस्रो चरणको मतदान भइरहेको छ ।
धनुषामा कांग्रेसका कुल ३ हजार ५० निर्वाचन प्रतिनिधि अर्थात् मतदाता छन् । पहिलो चरणमा २ हजार ९१२ मत खसेको थियो ।
