साउन ४, कञ्चनरूप ।
सप्तरीको कञ्चनरूप वडा नं. १२ ले टोल सुधार समितिलाई सफा सुग्घर र हरियाली बनाउने उद्देश्यका साथ डस्टबिन उपलब्ध गराएको छ ।
वडा नं. १२ को अत आव कै कार्यक्रम भएको र समय नमिलेकाले अहिले वितरण गर्नु परको जनाइएको छ । खुला फोहर मुक्त बनाउने अभियान स्वरुप वडा कार्यलयले विभिन्न रङ्गका डस्टबिन उपलब्ध गराएको हो ।
आज आयोजित कार्यक्रममा नगर प्रमुख गुप्ताले सरसफाइमा हाम्रो पनि साथ र सहयोग निरन्तर रहने छ भन्दै डस्टबिन हस्तान्तरण गरेका हुन ।
डस्टबिन सामाग्री बुझ्दै टोल सुधार समितका अध्यक्षहरूले विभिन्न सार्वजनिक ठाउँहरूमा राख्ने बताएका छन ।
