राजविराज ।
सप्तरी उद्योग वाणिज्य संघ सप्तरीमा मनोनीत सदस्यहरूलाई शपथ ग्रहण तथा पदस्थापन गराइएको छ ।
गत मंसिर ४ मा सम्पन्न निर्वाचन १४ जना निर्वाचित भए पछि रिक्त ४ जना मनोनित गर्ने प्रक्रिया अनुसार मनोनित गरी १९ जनाको पूर्ण कार्यसमिति
तयार भए पश्चात मनोनीत सदस्यहरूलाई शपथ ग्रहण तथा पदस्थापन गराइएको हो ।
मनोनीत सदस्यहरूमा गीता कोइराला ,चन्द्रशेखर साह , अनिल सिंह र नारायण रञ्जन रहेका छन् । नयाँ मनोनीत सदस्यहरूलाई अध्यक्ष लालु प्रसाद अग्रवालले सपथ गराएका थिए । अध्यक्ष अग्रवालले ब्यापारीहरूले आफू सही र कानुन बमोजिम आफ्नो ब्यापार व्यवसाय गर्नुपर्ने र यति गर्दागर्दै कसैबाट व्यापारीहरूलाई दुःख दिने काम भएमा सहयोग गर्न सधैँ तयार रहेको बताए ।
