कञ्चनरूप ।
सप्तरीको कञ्चनरूप नगरपालिकाद्वारा सञ्चालित मेयर कप खेलकुद प्रतियोगिता उद्घाटन खेलमा नगरपालिका कर्मचारीको टिम विजयी भएको छ । उद्घाटन फुटबल खेलमा नगरपालिका कर्मचारीको टिमले जन प्रतिनिधिलाई तीन गोलले पराजित गदै खेल जितेको हो ।
कञ्चनरूप स्थित बरमझियाको खेल मैदानमा आयोजित खेलकुद प्रतियोगिता मंगलबार नेपाली कांग्रेसका नेता एवम् पूर्व उपप्रधानमन्त्री विमलेन्द्र निधिले उद्घाटन गरेका थिए ।
प्रतियोगितामा फुटबल ,क्रिकेट, ब्याडमिन्टन, क्रमबोर्ड लगायतको खेल सञ्चालन हुने छ । फुटबल खेल बरमझियाको खेल मैदानमा हुने छ भने क्रिकेटको खेल वडा नम्बर ९ स्थित खैरवनाको मैदानमा छ।
