काठमाडौं । त्रिशूली नदीमा बस खस्दा ८ जनाको मृत्यु भएको छ । धादिङको गजुरी २, चालिसे झरना नजिकै त्रिशूलीमा बस खस्दा सवार मध्ये ८ वटा शव भेटिएको जिल्ला प्रहरी कार्यालय धादिङका प्रहरी प्रमुख गौतम मिश्रले बताए ।
काठमाडौंबाट पोखरा जाँदै गरेको प्रदेश ३(०१(००५ ख ९९५२ नम्बरको बस पृथ्वी राजमार्गको गजुरी नजिकै त्रिशूली नदीमा खसेको हो ।
उद्धार अहिले पनि जारी रहेकाले मृतकको संख्या बढ्न सक्ने प्रहरीले जनाएको छ । गम्भीर घाइतेलाई उपचारका लागि काठमाडौं पठाइएको प्रहरीको भनाई छ ।
दुर्घटनास्थलमा घाईते अवस्थामा भेटिएका चालकले आफूले पहिलो पटक उक्त गाडी चलाएकाले गाडी नम्बर समेत थाहा नभएको बताए । आज उक्त गाडीका चालक नभएकाले आफूले चलाएको गाडी धादिङको चालिसे झरना आइपुग्दा विपरित दिशाबाट तीब्र गतिमा आएको म्युजिकका कारण दुर्घटनामा परेको बताए । तीब्र गतिमा सन्तुलन गुमाउन लागेको म्युजिकलाई जोगाउन खोज्दा बस त्रिशुलीमा खसेको उनको भनाई छ । दुर्घटनामा ८ जनाको निधन भएको प्रहरीले पुष्टि गरेको छ । घाइतेहरूलाई स्थानीय गजुरी सामुदायिक अस्पतालमा सामान्य उपचारपछि थप उपचारका लागि काठमाण्डौ पठाउने तयारी छ ।
