कन्चनरूप। सप्तरीको राजविराजमा सालनाल सहितको नवजात शिशु मृत फेला परेको छ ।
राजबिराज-हनुमानगर सडकखण्डअन्तर्गत भलुवाही खोलामा छोरा जातको नवजात शिशु मृत फेला परेको हो ।
बुधबार बिहान भलुवाही पुल तल सालनाल सहितको शिशुलाई स्थानीयले देखेपछि प्रहरीलाई खबर गरेका थिए ।
शवलाई पोस्टमार्टमका लागि गजेन्द्र नारायण सिंह अस्पताल ल्याइएको जिल्ला प्रहरी कार्यालय सप्तरीले जानकारी दिएको छ । घटनाबारे अनुसन्धान थालिएको जिल्ला प्रहरी सप्तरीले जनाएको छ ।
