कञ्चनरूप । सप्तरीको पूर्वपश्चिम लोकमार्गमा अन्तर्गत शम्भुनाथ सडक खण्डमा सावरी दुर्घटना हुँदा ४६ बर्षिया एक पुषको मृत्यु भएको छ ।
जिल्लाको शम्भुनाथ नगरपालिका ३, शम्भुनाथ आयल ट्रेड सेन्टर छेउमा भएको सडक दुर्घटना सप्तरी डाक्नेश्वरी न.पा. ८ बस्ने ४६ बर्षिया पुरनधर चौधरीको उपचारको क्रममा युनिक अस्पताल रुपनीमा शुक्रबार मृत्यु भएको हो ।
पश्चिमबाट पूर्व तर्फ आँउदै गरेको बा १५ च ९००३ न.को कारले विपरित दिशाबाट आउदै गरेको स६प २१८६ न.को मोटरसाइकलमा सवार चौधरीलाई ठक्कर दिँदा दुर्घटना भएको हो ।
जिल्ला प्रहरी कार्यालय, सप्तरी राजबिराजका अनुसार कार चालक मोरङ विराटनगर उप महानगरपालिका ११ बस्ने वर्ष ४५ को छत्र प्रसाद लुईँटेललाई कार सहित नियन्त्रणमा लिई आवश्यक अनुसन्धान कार्य जारी रहेको जनाएको छ ।
