कञ्चनरुप
कार्तिक २७ गते २०७७।
सप्तरीको डाक्नेश्वरी नगरपालिकामा बालबालिकाले पड्काएको पटाकाबाट आगलागी हुँदा ६ वटा घर जलेर खरानी बनेको छ ।
नगरपालिकाको वडा ३ तरहीमा बिहीबार दिउँसो पटाका पड्काउँदा आगलागी भएको प्रहरीले जनाएको छ । बतहीदेवी मुखियाको घरबाट शुरु भएको आगोले उनका छिमेकीहरुको पनि घर जलेको हो ।
घरभित्रको सम्पूर्ण सामान जलेर झण्डै १४ लाख रुपैयाँ बराबरको क्षति भएको प्रारम्भिक अनुमान गरिएको छ । आगलागीले सबैभन्दा बढी राजकुमार मुखियाको घरमा भएको छ ।
आगलागीले राजकुमारको मात्रै ६ लाख ५० हजार रुपैयाँको धनमाल जलेको छ । यसैगरी, बतहीको ४७ हजार रुपैयाँ, रामरुपको १ लाख ५० हजार रुपैयाँ, नरेशको ३ लाख रुपैयाँ, राजको २ लाख रुपैयाँ र मुकेशको २ लाख २० हजार रुपैयाँको धनमाल जलेर क्षति भएको जिल्ला प्रहरी कार्यालय सप्तरीेले जनाएको छ । आगलागी स्थानीयवासिन्दा र प्रहरीको सहयोगमा नियन्त्रणमा आएको छ ।
