काठमाडौँ ।
नेपालमा वितेको २४ घण्टाामा २२ सय भन्दा बढीमा कोरोना भाइरसको सङ्क्रमण देखिएको छ ।
स्वास्थ्य तथा जनसंख्या मन्त्रालयले शुक्रबार अपरान्ह सार्वजनिक गरेको विवरणमा देशका विभिन्न जिल्लामा ११ हजार ३१३ जनाको नमूना परीक्षण गर्दा २ हजार २३९ जनामा सङ्क्रमण पाइएको हो ।
आज ६ हजार ६५७ पिसिआर परीक्षणबाट १ हजार ४७९ र ४ हजार ६५६ एण्टिजेन परीक्षणबाट ७६० जनामा सङ्क्रमण देखिएको हो । थप २० जनाको निधन भएसँगै कोरोनाबाट ज्यान गुमाउनेको सङ्ख्या ९ हजार ३४० पुगेको छ ।
आज १ हजार ३१६ जना सङ्क्रमणमुक्त भएका छन् । अहिलेसम्म सङ्क्रमणमुक्त हुनेको सङ्ख्या ६ लाख १६ हजार ९२९ पुगेको मन्त्रालयले सार्वजनिक गरेको विवरणमा उल्लेख छ । मन्त्रालयका अनुसार अहिले सक्रिय सङ्क्रमित २६ हजार ५९० रहेको छ ।
